كفاااايه

موضوع: كفاااايه الأحد 19 أكتوبر 2008, 6:25 am

بسم الله الرحمن الرحيم

السلام عليكم

يا شباب

وانا بقلب ف المنتدى

لقيت موضوع كنت كاتبه من زمان
وقولت اكيد ده دار عليه الزمن
واكيد اتغبر واتملى تراب وماحدش فاكره ولا هايفتكرو
قولت ف نفسى كده

وفتحت الموضوع

وقريت

م الاول اه

وقريت الردود

كلها اه

وزعلت

زعلت جامد فى نفسى
جامد جامد يعنى

الموضوع كان اسمه
هوشششششششش اسكت ساكت......خلينا فى المهم ...!!!

كتبته بالظبط ف تاريخ
9 / 10 / 2007

يعنى حوالى سنة
سنة

سنة ولسه زى ما احنا

سنة ومافيش جديد

سنة والظلم بيكبر

سنة والتخلف بيزيد

سنة والفقر بيكتر

سنة والحقد بينتشر

سنة واتعلمنا نبقى امهر ف

الغدر

الخداع

المعاكسة

الفشل

الغش

الهلس

الهبل

الغباء

اه والله

بقينا ماهرين ف الغباء

سنة وقيم بتنهار

سنة وقيم اتمسحت تماما اصلا

سنة و لسه بيبيعوا لينا اوهام

سنة والمعلم اتذل اكتر واكتر عشان الكادر بتاع المعلمين

سنة والوزارة فاشلة زى ماهى مش راضية تستقيل

اقول ولا كفاية

لا

هاقول

سنة والحكومة بايظة اكتر واكتر

سنة والناس بتتشدد اكتر واكتر

سنة والفجوة بينا وبين ربنا بتوسع
اكتر واكتر

سنة ولسه زى ما احنا حاطين راسنا ف الارض
زى النعام

كنا من سنة بنقول القدس وباكستان والبوسنة والهرسك

دلوقتى بنقول القدس وباكستان والعراق ولبنان والشيشان والهرسك والبوسنة

سنة والامة ف الحضيض زى ما هى

سنة والابن بيفجر على ابوه اكتر واكتر

سنة والموضة بسم الله ماشاء الله بتطور

بكرة نلاقى الناس ماشية بالهدوم الداخلية

سنة والتعليم فاشل زى ماهو

سنة والمجارى بتضرب كمان وكمان

سنة والمعيشة غلت وولعت نار

سنة والبلد بقت كلها متخصخصة

سنة والحال هى الحال

بل
والطينة زادت بلة

اقول كمان

حدث ولا حرج

والله بدمع وانا بقول

مش كفاية علينا

سنين عايشين مستحملين

مستنين اي

موضوع: رد: كفاااايه الأحد 19 أكتوبر 2008, 6:38 am

والله عندك حق بس انت عارف كل الناس حتلاقيها عايشه كده وراضيين خلاص زى ماتقول بقوا عندهم حصانه ضد التغيير للاحسن وربنا يهدى الكل ويخلى اللى زيك واللى عايزين ينهضوا بيها

امييييييييييييييييييييييييييييييييييييييييييين

موضوع: رد: كفاااايه الثلاثاء 16 يونيو 2009, 11:27 am

ميرسي ليكي يا بطوطه على الرد