cute boy
مدير المدرسه قوم اقف
عدد المساهمات : 543
تاريخ التسجيل : 16/10/2008
 |  موضوع: انت /ي مصري (ة) بس عندك جمل  الخميس 22 يناير 2009, 11:34 am | |
| اول ما روحت كندا.. واحد سألنى ..انت منين ؟
قلتله ..وبكل فخر واعتزاز... مصر...
ساعتها كنت متخيل ان كل الناس تعرف مصر.. وان مصر هى ام الدنيا ..فمعقول ماحدش يعرف امه.
وكان خاب ظنى.. الراجل ماكانشى يعرف بالظبط مصر فين .. لكن عارف الفراعنة كويس وعلشان يدارى الاستياء اللى انا حسيته
سألنى كالعارف ببواطن الامور.. وأيه اخبار الجمال ؟
وسألنى ان كان عندى جمل او لأ؟
بجد
انشكحت.. كل الصور المنشورة عن مصر واللى موجودة فى اذهان الناس عبارة عن
الاهرامات التلاتة وابوالهول ربنا يحرسه ..وحبة جمال تجوب المنطقة فى
سلام. .وكان الله بالسر عليم
كان نفسى اصرخ فى الراجل وأأقوله
اصحى.. فوق.. يا أبا.. انت بتتكلم على ايه ده احنا المصريين.. احنا اللى
دهنا الهوا دوكوا ..وبيعنا القطاع العام بالتسعيرة الجبرية ..واحنا اول
ناس خلينا للميتين قيمة وعملنالهم حق الانتخاب وكله بالديمقراطية
رديت عليه ..اه ..الجمال كويسة .. ومن باب الاحترام جاوبت ايوه عندى جمل اسمه حوحو
راح هابدنى سؤال فى قمة الذكاء
وياترى الجمل بتاعك بسنم واحد والا سنمين ؟
قلت له فى الحقيقة الجمل اللى عندى موديل قديم بسنم واحد.. بس انا انشاء الله ناوى ادخله عمرة وازود عليه سنم كمان ويبقى بسنمين
نوع دهان
فسألنى وده ممكن ؟
قلتله آه طبعا.. ده انت على كده ماشفتش الجمل ابو 5سنم ده بقى آخر موضة فى الجمال
ازداد الرجل اعجابا ودهشة وقال wowوسألنى.. سؤال صعب
وكل واحد عنده جمل فى مصر؟ وياترى اللى ماعندوش جمل بيروح ازاى الشغل؟
قلتله
...عندنا اختراع اسمه الهودج.. وهو عبارة عن حاجة زى الكشك.. بنحطها فوق
الجمل وفيها كراسى والهودج ده بقى يشيل من الحبايب 1000أيشى ناس قاعدة
وناس واقفة وناس بتنشل.. وناس بتبيع امشاط وفلايات ولبان دكر
وآهو كله تلقيط رزق
وفى
الهودج ده تلاقى عيل صغير بيلم الاجرة علشان سواق الجمل يأخد باله من
الطريق وماينشغلش بمين دفع ومين مادفعش..وسوق على مهلك سوق ..بكرة الدنيا
تروق
راح سألنى سؤال صعب يدل على انه فاهم وماينضحكش عليه
قلى طيب لو انا واقف فى الشارع.. وحبيت اشاور للجمل السرفيس ده ابو هودج.. ازاى الجمل حاينخ وينزل على ركبه علشان انا اركب ؟؟؟
والا عملتلوه سلالم علشان الطلوع والنزول من على ضهر الجمل؟
قلتله سلالم ايه ياجاهل احنا حلينا المشكلة دى بابسط مايمكن
قلى ازاى؟
قلتله
كل مواطن عايز يستخدم الجمل السرفيس ده.. يمسك فى ايده حزمة برسيم ويشاور
بالبرسيم من بعيد للجمل السرفيس او كمان للجمل التاكسى
قوم الجمل يشوف
البرسيم يروح رايح عند الزبون.... يروح الزبون حاطط حزمة البرسيم على
الارض ..يروح الجمل بارك على ركبته ....يقوم الزبون راكب
ساعتها الجمل يكون لهف البرسيم ويقوم يكمل رحلته الميمونة
وفاتت سنين ..وسنين وعلمت ان الراجل اللى كان متخيل ان مافيش فى مصر غير بس اهرامات وجمال راح السراية الصفرا
مسكين اكيد اتتجنن بعد ماحكيتله عن الانجازات العظيمة اللى حققتها مصر بفضل الجمال | |
|
فرحة
طالب لسه بيبي في أولى جامعه
عدد المساهمات : 370
تاريخ التسجيل : 04/02/2009
العمر : 31
| | موضوع: رد: انت /ي مصري (ة) بس عندك جمل الخميس 12 فبراير 2009, 7:54 pm | |
| يا نهار ابيض
على الكلام فى السياسه
هايل اوعى تخاف
بس لو استدعوك فى امن الدوله متتفاجأش
ميرسى على اجمل موضوع | |
|
Love life
الهانم في الأداره
عدد المساهمات : 880
تاريخ التسجيل : 02/06/2009
| | موضوع: رد: انت /ي مصري (ة) بس عندك جمل الخميس 04 يونيو 2009, 1:10 pm | |
| مرسى بس انت مشوهة صورة مصرهى دى الحقيقة
بس هى دى الحقيقة
بس ما كنتش تفضحنا ادام الاجانب | |
|
SCORPION KING
ناظر المدرسه الجديد
عدد المساهمات : 774
تاريخ التسجيل : 26/10/2008
| | موضوع: رد: انت /ي مصري (ة) بس عندك جمل الخميس 04 يونيو 2009, 1:20 pm | |
|
هههههههههههههههههه
بجد جامد جداااااااااااااااااااااااا
تحفه يا كيوت والله
تسلم ايدك
H . H
| |
|
cute boy
مدير المدرسه قوم اقف
عدد المساهمات : 543
تاريخ التسجيل : 16/10/2008
| | موضوع: رد: انت /ي مصري (ة) بس عندك جمل الخميس 04 يونيو 2009, 7:50 pm | |
| اعمل ايه انا اغش الراجل يعني
مش هو م نغشنا فليس منا | |
|
