اهم صفات بنات مصر(اوعوا تزعلوا)

بسم الله الرحمن الرحيم

وربنا يسترها يا رب

الصفه الاولى

اللسان

البنت المصريه ربنا واخد منها كل حاجه ومديها لسان زى الحربايه_ والعياز بالله_

لو فكرت انك تتريق على واحده اكيد مش هتسلم من لدغته _ يلا تستاهل_

وخاصه لو كانت عامله التحجيبه سبانش _ احذر من دول _
..............................

الصفه التانيه

الغرور

البت من دول تلاقيها مناخيرها فى السما _ على ايه يعنى _

ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا وماشى انت جنب بانسى عجرم

وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك

تعالى بئى فى كليات العملى زى الطب والهندسه والصيدله

لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا

هتبدأ بئى تسألها عن محاضرا وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _

ناس تنرفز والله يا اخى

.............................

الصفه التالته

الشياكه

الشهاده لله يعنى البنات دلوئتى بيهتمو بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسه

طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :

بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى ممكن لو لاقدر الله اتجوزت تدخل تلاقى مراتك شبه البنى آدمين عادى
يعنى مش هتلاقى اريال طالع من دماغها ولا ريحه البصل مبهدله الدنيا

يمكن يا عم متتشائمش :

..............................

الصفه الرابعه

احتقار الرجل

متفهمش يا اخى الستات والبنات بيحتقرو الرجاله كدا متفهمش ليه

على اساس يعنى انهم ولاد ناس وحنا ولاد .......................

ناس تانين ؟

بس العرق الفرعونى نقح عليا فى الايام اللى فاتت وافتكرت السبب

فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم

وهوده السر فاكرينا عبيد عندهم حضاراتهم :

.............................

الصفه الخامسه

الاجتماعيه

البنت المصريه اجتماعيه بدرجه جيد جدا

فى ثانيه كدا تلاقيها رمت ودنها فى اى حوار ومتسيبوش الا ما تجيب اخره

وطبعا بأجتماعيتها دى بتعرف تجيب اطراف الموضوع من كل الناس وده برضه يندرج تحت

اللسان ومش عارف ليع مفيش موضوع الا لازم تتدخل فيهَ

على فكره البنات مش كده خالص

وبتبقى كده مع الولاد الى بيستهبلوا بس ده
ساعات مش على طول

ماشي يا دودي مرسي ع الرد يا جميل

لا على فكره البنات معظمهم كده

يسلام عليك يا إتش يا جامد هو ده الكلام
ميرسي ع الرد يا باشا

على ايه بس
بجد موضوع هايل

ماشي خلينى ساكته

دودوي انا مش اقدر ازعلك حالص

لالالالالالالالالالا انا مع دودى مش كل البنات كده
اينعم البنات ساعات كده بتحب يحسسوا نفسهم انهم حاجه بس ده قصاد ناس معينه
يعنى مش كل البنات بيعملوا كده
ومش كل الصبيان يستاهلوا ان حد يعمل قصادهم كده

بس بجد الموضوع هااااااااااااااااااااااااااايل

بس يا بطوطه صدقيني كلهم كده

ميرسى يا محمود ده رايك فينا
بس انا معاك ان معظم البنات كده
وفعلا اللى تجيبتهم سبانش كده
الحمد لله حجابى عادى
المهم
انت بردو مقولتش الصفات الحلوة
وعلى فكرة البنات فى كتييييييييييييير منهم بيحترموا الرجاله بجد بس الرجاله الصح
وانت فاهم يعنى ايه راجل صح طبعا
وميرسى على طرح الموضوع

انت ظالم البنات اوى احنا معظمنا مش كدا خالص
ومافيش مرسى على الموضوع
اوك

اولا ثانكس
دايما انتم ياااولاد عندكم احساس بنقص دايما تحسوا اننا بنتكبر عليكم
يمكن دة راجع للعصر الفرعونى لما البنات اتجوزوا العبيد بتعوهم
دايما تحسوا اننا متكبرين من اقل موقف انا رائى انتم ترحوا تتعلجوا نفسيا
وتريحونا من العقد الى عندكم دى
هههههههههههههههههههه

» ازياء بنات
» بنات جامدين جداااااا
» احلى فساتين خطوبة لاحلى بنات